«БАТАМЕНЕН ЕЛ КӨГЕРЕР!» АТТЫ АУДАНДЫҚ АҚСАҚАЛДАР БАЙҚАУЫ ӨТТІ

«БАТАМЕНЕН ЕЛ КӨГЕРЕР!» АТТЫ АУДАНДЫҚ АҚСАҚАЛДАР БАЙҚАУЫ ӨТТІ

«БАТАМЕНЕН ЕЛ КӨГЕРЕР!» АТТЫ АУДАНДЫҚ АҚСАҚАЛДАР БАЙҚАУЫ ӨТТІ 960 720 azizyeszhanov_ydg3sjjr

Ақсақалдар сарқылмас дариялар,
Әр сөзінен көңілге бақ ұялар.
Жас ұрпақтың мінсіз таза айнасы ол,
Ақ ниетті, батагөй қариялар!
Халық қаһарманы, батыр Бауыржан Момышұлы жасы үлкен қарттарды: шал, қария, ақсақал және абыз деп төртке бөлген. Отбасы, ошақ қасынан ұзап шыға алмай, түтін аңдып, үй аралап, саяси өсек айтатын қартты – шал, өз әулетін шашау шығармай уысында ұстап, билік жүргізген қартты — қария деп, тұтас бір ауылдың жыртығын бүтіндеп, айдынын асырып отырған қартты — ақсақал деп, елдің дау-дамайын шешіп, арғы-бергі тарихтан әңгіме қозғап, тұла бойына ұлттық рух, ізгі қасиеттерді молынан сіңірген қартты — абыз деп атаған.
Қазіргі заманғы қариялардың ел арасындағы өзіндік орынын кейінгі буын жастарға көрсеті және паш ету негізінде, 3-ШІЛДЕ Төлеби аудандық мәдениет үйінде Елбасымыздың «Болашаққа бағдар: Рухани жаңғыру» мақаласы аясында елдігіміздің көкжиегін кеңейтер, ел бірлігі мен халықтар достығын нығайтып, жас ұрпақтың туған топырағына деген сүйіспеншілігін арттыратын және ата-бабаларымыздан мирас болып қалған асыл мұраларымызды: тілімізді, дінімізді, салт-дәстүрімізді, мақал мәтелдеріміз бен шешендік сөздерімізді, ырым-тыйымдарымызды кеңінен насихаттап, жастарымызды адамгершілік пен имандылыққа тәрбиелейтін рухани құндылықтарымызды дәріптеу мақсатында ұйымдастырылып отырған «Батаменен ел көгерер!» атты аудандақ ақсақалдар байқауы өтті.
Байқауға алдын – ала іріктеу кезеңінен өткен 7 ақсақал ақтық сында өнер көрсетіп, қазылар алқасының шешімімен төмендегідей нәтиже шығарылды:
І –ОРЫН – Манапов Тұрғынбек (Кемеқалған ауылдық клубы)
ІІ –ОРЫН – Омарханов Сатыбалды (Зертас ауылдық мәдениет үйі)
ІІІ –ОРЫН – Мырзалиев Төленді (Қостөбе ауылдық клубы)
ІІІ –ОРЫН – Сұлтанбеков Омархан (Диханкөл ауылдық клубы)
«Ақылды қария, ағынды дария» номинациясы – Бектуров Қыстаубай (Жеңіс ауылдық мәдениет үйі)
«Өнегелі қария» номинациясы – Қалиев Жұмабек (Жамбыл ауылдық клубы)
«Қазыналы қария» номинациясы – Асанов Есімхан (Жоғарғы Ақсу ауылдық округі)

Leave a Reply