ТӨЛЕБИ АУДАНЫНДА СПОРТ АКАДЕМИЯСЫ АШЫЛДЫ

ТӨЛЕБИ АУДАНЫНДА СПОРТ АКАДЕМИЯСЫ АШЫЛДЫ

ТӨЛЕБИ АУДАНЫНДА СПОРТ АКАДЕМИЯСЫ АШЫЛДЫ 960 640 azizyeszhanov_ydg3sjjr

Бүгінде елімізде спортты дамытуға барлық жағдайдың жасалып жатқаны белгілі. Әсіресе, соңғы 10 жылдың бедерінде мемлекет тарапынан қолдауға ие болып, еліміздің әр түкпірінде спорт нысандары салынып жатыр. Көптеген табысты азаматымыз туған ауылы мен аудандарына қолдау көрсетуде. Олардың жомарттығының, рухани, моральдық, материалдық қолдауларының арқасында елімізде талай игі істер атқарылуда.

Осы орайда Төлеби ауданы Кемеқалған ауылдық округі Ақбастау елді мекенінде орналасқан Алма Тау демалыс аймағында «Alma Tau» спорт академиясы ашылды. Академияның ашылу рәсіміне Төлеби ауданының әкімі Бауыржан Омарбеков, облыстық денешынықтыру және спорт басқармасының басшысы Болат Қырықбаев, ауыр атлетика федерациясының атқарушы директоры Алдияр Нуралинов, ел ағасы Орынбай Абдиев, екі дүркін Олимпиада чемпионы, бес дүркін әлем чемпионы Илья Ильин, ауыр атлетикадан Қазақстан Республикасы құрамасының бас бапкері Юрий Мельников, ауыр атлетикадан Қазақстан Республикасының еңбек сіңірген жаттықтырушысы Алексей Ни жаңа спорт ғимаратының тұсауын кесіп, нысанмен танысты.

Академия аумағы 1326 шаршы метрді құрайды. Онда күніне 1500-ге жуық спортшылар волейбол, баскетбол, гандбол, бадминтон, кіші футбол сынды спорт түрлерінен жаттыға алады. Сонымен қатар, әлемдік стандарттарға сай етіп салынған ауыр атлетика үшін де арнайы зал ашылған.

Болашақта бұл спорттық базада тек Қазақстанның ұлттық құрамалары ғана емес, шет елдердің ұлттық құрама командалары да келіп, осы жерде толыққанды оқу-жаттығу жиындарын өткізеді деп жоспарлап отыр.
Алдағы уақытта «Alma Tau» спорт академиясынан әлем чемпиондары, азия чемпиондары, халықаралық жарыстардың жеңімпаздары шығады деген нық сенімдеміз.

Төлеби ауданы әкімінің баспасөз қызметі

Leave a Reply